میرا جسم میری مرضیmera jisam meri marzi

 میرا جسم میری مرضی #یہ_کون_سی_عورتیں_ہیں ...؟

پچھلے دنوں پاکستان میں کچھ "آزاد خیال" خواتین انتہائی بھدی لکھائی میں کتبے اٹھائے باہر سڑکوں پر نکلیں تھیں، کتبوں پر لکھا تھا کہ :

"اپنا سالن خود گرم کرلو، میں نے برتن نہیں دھونے، میں بھی ایک سخت مرد ہوں ... "

اور بھی بہت کچھ  لکھا تھا۔ لیکن میں نہایت معذرت چاہتے ہوئے عرض کروں گی کہ میں ان کے خلاف ہوں۔ تھوڑی دیر کے لیے ہم مان لیتے ہیں آپ آج کے بعد عورت  نہیں، مرد ہیں، تو پھر آج کے بعد کام بدل دیتے ہیں ...

کس شعبے سے شروع کریں گی ...؟

چلیے! کم ترین شعبے سے آغاز کرتے ہیں ...

 

یہ ایک چوک میں گٹر بند ہیں، اور عوام فون کر کر کے ناک میں دم کیے جا رہے ہیں، سو آج سے آپ بھی ایک سخت مرد ہیں، ذرا ناک سے رومال ہٹائیے، کیونکہ آپ کے میاں صاحب کل اسی گٹر میں اتر کے جان کھپا رہے تھے انکو بھی بو آتی تھی مگر وہ سب بھول کے لگے رہے ...

یہ واپڈا کا کھمبا ہے، ذرا اوپر چڑھو!

چلیے جلدی کیجئے۔ ارے ہاں دھیان سے کرنٹ نہ لگ جائے۔ 

کیا ...؟

دستانے بھاری ہیں ...؟

ہیں! بھلا دستانے بھی بھاری ہوتے ہیں ...؟

 

چلیں پھر ذرا یہ پیاز کی بوری اٹھائیں اور اسکو اس ٹرک پر پھینک کے آئیں ...

کیا ...؟  

بھاری ہے ...؟

ارے نہیں تو، ڈھائی من کی ہی تو ہے، اور آپ ہی نے تو کہا تھا کہ آپ سخت مرد ہو ...؟

 

بس آج کے بعد من من کے برتن نہیں دھونا پڑیں گے، نہ ہی ہزاروں کلو کے کپڑے استری کرنا ہوں گے۔ بس یہ "پھول" سی ہلکی پھلکی بوریاں ہیں، ریشم کی گانٹھ جیسی، مزدوری ملےگی تو گھر چلےگا نا ...

  

گھر میں میاں برتن دھو دھو کے تھک گیا ہے اور انتظار میں ہے کہ تُم "کما" کر لاو گی تو وہ ہانڈی چڑھائے گا!!!

ان کی اپنی ہی تو ڈیمانڈ ہے، جب برابری کرنی ہے تو ڈیوٹی بھی برابر پوری کرنا ہو گی نا ...؟

جب اللّٰہ کی تقسیم سے انکار کرنا ہے تو "اچھا اچھا ہپ اور کڑوا تھو" کا اختیار نہیں مل سکتا ...

اب ذرا زندگی کے دوسرے شعبہ جات کی طرف آ جائیے ...

کیا خواتین بیس بیس گھنٹے حشر کی گرمی میں ٹرک چلا سکتی ہیں؟ سارا سارا دن کرین کی سیٹ پر بیٹھ کے کھدائی کر سکتی ہیں؟

 بازار میں سبزی، فروٹ کی ریڑھی لگا کر بارہ بارہ گھنٹے سینکڑوں گاہکوں کو نپٹا سکتی ہیں؟

 کیا سبزی منڈی میں اور تھوک کے بازاروں میں سو سو کلو کی بوریاں اٹھا کے ٹرک کو لوڈ، اور ان لوڈ کر سکتی ہیں؟

 سیلاب آ جائیں، زلزلے آ جائیں، حادثے ہو جائیں، جسمانی مشقت سہار کے کسی کو ریسکیو کر سکتی ہیں؟

اتنی مثالیں ہیں کہ بندہ لکھتا تھک جائے اور ختم نہ ہوں ...

جب ہر بات پر انکار ہے تو غرور کس بات کا ...؟

پھر بھی مرد آپکو عزت دیتا ہے، ماں ہوتی ہو تو قدموں میں سر رکھتا ہے، بیوی بنتی ہو عزت دیتا ہے، ہر ضرورت پوری کرتا ہے ناز نخرے اٹھاتا ہے۔ بہن بنتی ہو تو سائبان بن جاتا ہے۔ بیٹی بنتی ہو تو پڑھاتا لکھاتا ہے، ہر خواہش پوری کرتا ہے شادی کروانے تک کتنے خرچے کرتا ہے ...

آپ گھر میں سکون سے بیٹھی ہو اور وہ  دن بھر ننگی دھوپ تلے، تپتی سڑکوں پر خود کو جلاتا ہے اور آپ کے لیے ایک مسکراہٹ خرید کے لاتا ہے ...

اور آپ!

آپ کہتی ہو کہ :

" میں کپڑے استری نہیں کروں گی، میں کھانا گرم نہیں کروں گی ... "

بصد شوق، کچھ بھی نہ کیجئے لیکن، پھر آج گٹر صاف کیجئے، ٹرک چلائیے، دکان داری کیجئے، مال لوڈ کیجئے، جہاز چلائیے، تپتی بھٹی پر بیٹھ کے لوہا کوٹیے، گلی گلی، نگر نگر پھر کے سبزی بیچیے، کوریر سروسز میں جا کے محلہ محلہ ڈاک بانٹیے ...

"#مشکل

_مشکل_کام" مرد کر لیں گے، برتن دھو لیں گے، کھانا پکا لیں گے، کپڑے استری کر لیں گے۔ عورت  کے معنی سے اگر بے خبر ہو تو پھر واقعی تم مرد ہو ...